खेल सरोकार
पेरिस ओलम्पिक महिला फुटबल एसिया छनोटको पहिलो चरणको पहिलो खेलमा नेपालले बुधबार भियतनामसँग प्रतिस्पर्धा गर्दैछ।
त्रिपुरेश्वरस्थित दशरथ रंगशालामा नेपालले बलियो प्रतिद्वन्द्वी भियतनामसँग प्रतिस्पर्धा गर्नेछ। खेल साँझ ६ बजे सुरु हुनेछ।
पहिलो चरणको छनोटको समूह ‘सी’ मा नेपाल र भियतनामले मात्र खेल्न लागेका हुन् । प्यालेस्टाइन र अफगानिस्तानले नाम फिर्ता लिएपछि यस समूहमा नेपाल र भियतनाम मात्र बाँकी रहेका छन् ।
दोस्रो खेलमा नेपालले भियतनामसँग शनिबार प्रतिस्पर्धा गर्ने तालिका रहेको छ । छनोटको शीर्ष टोलीले दोस्रो चरणमा स्थान बनाउने छ ।
फिफा वरीयतामा भियतनाम ३३ औँ स्थानमा र नेपाल १०० औँ स्थानमा रहेको छ।
खेलको प्रत्यक्ष प्रसारण एनटीभी प्लसले गर्ने आयोजक अखिल नेपाल फुटबल संघ (एन्फा)ले जनाएको छ।
प्रतिक्रिया