१६ औं संस्करणको इन्डियन प्रिमियर लिग (आईपीएल) अन्तर्गत आज पञ्जाब किंग्सले लखनउ सुपर जायन्ट्सबीच प्रतिस्पर्धा हुँदैछ । यी दुई टोलीबीचको खेल मोहालीमा नेपाली समयअनुसार साँझ ७:४५ बजेबाट सुरु हुनेछ ।
जारी लिगमा पञ्जाबले ७ मध्ये ४ खेलमा जित र ३ खेलमा पराजित भएको छ । पञ्जाब ८ अंकसहित छैटौ स्थानमा रहेको छ । 
लखनउ सुपर जायन्ट्सले ४ खेलमा जित र ३ खेलमा पराजित भएको छ । लखनउ भने चौथो स्थानमा रहेको छ ।
यसैबीच, बिहीबार राति भएको खेलमा चेन्नई सुपर किंग्सलाई ३२ रनले पराजित गर्दै राजस्थान रोयल्स शीर्ष स्थानमा उक्लिएको छ । 
बिहीबार राति २ सय ३ रनको लक्ष्य पछ्याएको चेन्नईले निर्धारित २० ओभरमा ६ विकेट गुमाएर १ सय ७० रन बनाएको थियो । चेन्नईका लागि शिवम दुबेले ५२ रन बनाए । राजस्थानका एडम जम्पाले सर्वाधिक ३ विकेट हात पारे ।
यसअघि टस जितेर पहिले ब्याटिङ गरेको राजस्थानले ५ विकेट गुमाएर २ सय २ रन बनायो । यश्स्वी जैसवालले ७७ रन बनाए ।