एजेन्सी । कतारमा सम्पन्न विश्वकप जितेपछि अर्जेन्टिनी टिम यतिबेला खुसीयाली मनाइराखेको छ । विश्वकप फाइनल खेलमा अर्जेन्टिनाले पेनाल्टी सुटआउटमा फ्रान्सलाई पराजित गर्दै उपाधि जित्न सफल भएको थियो । पुर्व इंग्ल्याण्डका फरवार्ड ड्यारेन बेन्टले पोर्चुगी स्टार क्रिस्टियानो रोनाल्डोले लियोनल मेस्सीले विश्वकप उपाधि जितेको खेल नरहेको हुनसक्ने बताएका छन् । 
अर्जेन्टिनाले विश्वकप जितेका कारण रोनाल्डो दुःखी भएको हुनसक्ने समेत उनले बताएका छन् । 
बेन्टले भनेका छन्,‘मेस्सीले अर्जेन्टिनालाई विश्वकप उपाधि जिताएर हालसम्मकै सर्वोत्कृष्ट फुटबलर बन्न सफल भएका छन् । उक्त उपाधि जित्न रोनाल्डोले पनि हरसम्भव प्रयास गरेका थिए । तर, सफल हुन सकेनन् । यसकारण पनि भित्रभित्रै जलिरहेका छन् ।’
पुर्व टोटनहम फरवार्ड समेत रहेका उनले भने,‘फुटबल इतिहासमा रोनाल्डोले समेत धेरै सफलता प्राप्त गरेका थिए । तर, मेस्सीले विश्वकप उपाधि जितेसँगै आफु आझेलमा परेको उनले महसुस गरेका छन् होला ।’