खेल सरोकार
एसिसी मेन्स प्रिमियर कप क्रिकेट प्रतियोगिताअन्तर्गत हङकङले विजयी सुरुवात गरेको छ ।
समूह ‘बी’ को खेलमा सिंगापुरलाई हङकङले आठ विकेटले पराजित गरेको हो ।
मूलपानी क्रिकेट मैदानमा सिंगापुरले दिएको १७५ रनको चुनौती पछ्याउँदै ब्याटिङ गरेको हङकङले ३३ ओभरमा दुई विकेटको क्षतिमा लक्ष्यमा पुग्या ।
हङकङका लागि बाबर हायतले शतक बनाएका थिए । उनले ९४ बलमा १० चौका र ६ छक्का प्रहार गर्दै १०८ रन बनाएका थिए । त्यस्तै, कप्तान निजकात खानले ५१ रन बनाएका थिए ।
टस हारेर पहिले ब्याटिङ गरेको सिंगापुरले ४२.१ ओभरमा सबै विकेटको क्षतिमा १७४ रन बनाउन सफल भया । सिंगापुरका कप्तान अरित्रा दुत्तले ४९ रन बनाएका थिए । त्यस्तै, आर्यन मोदीले २१, थिलिपन ओमाइदुराई र अभी दिक्षितले समान १२–१२ रन बनाएका थिए ।
बलिङतर्फ हङकङका इहसान खानले चार र यासिम मुर्टजाले तीन विकेट लिएका थिए ।
.png)
प्रतिक्रिया