खेल सरोकार
नेपाली टिमका ओपनर आसिफ शेखले एकदिवसीय अन्तर्राष्ट्रिय क्रिकेटमा एक हजार रन पूरा गरेका छन् ।
आसिफले आईसीसी क्रिकेट विश्वकप लिग–२ को अन्तिम त्रिदेशीय शृंखलाको पहिलो खेलमा पपुवा न्युगिनी (पीएनजी) विरुद्ध एक हजार रन बनाएका छन् ।
आसिफले पीएनजीविरुद्ध ९० रन बनाएसँगै एक हजार रन पूरा गरेका हुन् ।
योसँगै आसिफ एकदिवसीय अन्तर्राष्ट्रिय क्रिकेटमा एक हजार रन पूरा गर्ने दोस्रो नेपाली ब्याटर बनेका छन् । पहिलो नम्बरमा कप्तान रोहित पौडेल रहेका छन्।
पीएनजीविरुद्ध शतक बनाएर आउट भएका आसिफको यो पहिलो एकदिवसीय शतक समेत रहेका छ । आसिफले १०१ बलमा १० चौका र दुई छक्कासहित शतक पुरा गरेका हुन् । आसिफ ११० बलमा १२ चौका र दुई छक्कासहित ११० रन बनाएर आउट भएका छन् ।
पीएनजीविरुद्ध टस हारेपछि ब्याटिङमा आएको नेपालले ४१ ओभरको खेल सकिँदा ६ विकेट गुमाएर २२५ रन बनाएको छ ।
.png)
प्रतिक्रिया