‘ए’ डिभिजन लिग फुटबलमा आज दुई वटा खेल हुँदै

Khel Sarokar

खेल सरोकार

‘ए’ डिभिजन लिग फुटबलमा आज दुई वटा खेल हुँदै

सहीद स्मारक ‘ए’ डिभिजन लिग फुटबल अन्तर्गत आजको खेलमा दुई वटा खेल हुँदैछन् । आज हुने एउटा खेल दशरथ रङ्गशाला हुनेछ र अर्को खेल भने च्यासल मैदानमा हुनेछ ।

च्यासल मैदानमा सङ्कटा क्लब र नेपाल एपीएफ क्लबबीच प्रतिस्पर्धा हुनेछ । यी दुर्इ क्लबबीचको खेल दिउँसो ३ बजेबाट सुरु हुनेछ ।

सङ्कटा क्लब ८ खेलमा १२ अङ्क जोडेर सातौँ स्थानमा रहेको छ भने समान खेलमा नेपाल एपीएफ ११ अङ्कका साथ नवौँ स्थानमा रहेको छ ।

आजै हुने अर्को खेलमा सातदोबाटो युथ क्लब र नेपाल पुलिस क्लबबीच प्रतिस्पर्धा हुनेछ । यी दुर्इ क्लबबीचको खेल बेलुका ६ बजेबाट दशरथ रङ्गशालामा सुरु हुनेछ ।

सातदोबाटो ८ खेलमा १६ अङ्क जोडेर दोस्रो स्थानमा रहेको छ भने समान खेलमा नेपाल पुलिस क्लब ४ अङ्ककासाथ पुछारमा रहेको छ ।

प्रतिक्रिया